بغیر اجازت ریلی نکالنے پر گرفتار علی موسیٰ گیلانی و دیگر کی ضمانت منظور
عدالت نے ملزموں کو ایک لاکھ کے مچلکوں پر رہا کردیا گیا، عدالت کے باہر جیالوں نے ضمانتیں منظور ہونے پر جشن منایا جب کہ علی موسیٰ گیلانی نے میڈیا گفتگو میں کہا کہ گرفتاری سیاسی بربریت ہے، ڈرایا نہیں جاسکتا۔
پولیس تھانہ چہلیک نے گزشتہ روز پی ڈی ایم ریلی میں رہنماؤں کو گرفتار کیا تھا، گرفتار کارکنوں میں سابق ایم پی اے ملک ارشد راں، رانا سجاد حسین، راؤ ساجد، عارف شاہ اور احمد گجر بھی شامل ہیں ۔
تھانہ چہلیک میں درج مقدمہ 25 نامزد جبکہ 50 نامعلوم افراد شامل ہیں ، مقدمہ میں بغیر اجازت ریلی نکالنے، اور کار سرکار میں مداخلت کرنے کی دفعات شامل کی گئی ہیں۔
مقدمہ میں سابق وزیر اعظم سید یوسف رضا گیلانی کے چاروں صاحبزادوں کے نام بھی شامل ہیں ۔