مقبوضہ کشمیر کی موجودہ صورتحال کے پیش نظر قومی سلامتی کمیٹی کا اجلاس آج طلب

 اسلام آباد (92 نیوز) مقبوضہ کشمیر کی موجودہ صورتحال کے پیش نظرقومی سلامتی کمیٹی کا اجلاس آج پھر طلب کر لیا گیا۔ وزیر اعظم عمران خان اجلاس کی صدارت کریں گے۔ اجلاس میں سول اور عسکری قیادت شریک ہو گی۔ اجلاس میں مقبوضہ کشمیر کی موجودہ صورتحال پر مشاورت ہو گی۔ قومی سلامتی کمیٹی اجلاس میں حکومتی اقدامات پر بریفنگ دی جائے گی۔ مسلم ممالک سمیت عالمی دنیا سے رابطوں متعلق بھی بات چیت ہو گی۔ اجلاس  سہ 3 بجے ہو گا۔ وزیر خارجہ شاہ محمود قریشی کو بھی سعودی عرب سے وطن واپس بلا لیا گیا۔ شاہ محمود قریشی قومی سلامتی کمیٹی اجلاس میں او آئی سی کے اجلاس سے متعلق بریفنگ دیں گے۔