مقبوضہ کشمیر میں پنچایتی انتخابات کے خلاف مکمل ہڑتال، یاسین ملک کو گرفتار کرلیا گیا
سری نگر (92 نیوز) حریت قیادت کی کال پر مقبوضہ کشمیر میں ہونیوالے نام نہاد پنچایتی انتخابات کے خلاف آج مکمل ہڑتال کی جا رہی ہے۔
حریت قیادت کی کال پر آج مقبوضہ کشمیر میں پنچائیتی انتخابات والے حلقوں میں مکمل ہڑتال کی جائے گی۔
مکمل ہڑتال کی کال حریت کانفرنس کے رہنماؤں سید علی گیلانی،میر واعظ عمر فاروق اور یاسین ملک نے دی ہے، جبکہ کشمیری عوام بھی ان نام نہاد پنچائتی انتخابات کا بائیکاٹ کرچکی ہے۔
دوسری جانب قابض بھارتی سرکار کی پولیس نے حریت ر ہنما یاسین ملک کو سری نگر سے گرفتار کرلیا ہے، مقبوضہ کشمیر میں پنچائیت الیکشن کے دوسرے مرحلے کی ووٹنگ آج ہوگی۔
