مفتاح اسماعیل نے پارٹی عہدے سے استعفی دے دیا
کراچی (92 نیوز) نون لیگ سندھ کے جنرل سیکرٹری مفتاح اسماعیل نے پارٹی عہدے سے استعفی دے دیا۔
چند دن پہلے مسلم لیگ ن کے کارکنوں نے پارٹی آٖفس میں شدید ہنگامہ آرائی کی تھی۔ ذرائع کے مطابق کارکنوں کا الزام تھا کہ کنٹونمنٹ انتخابات کے ٹکٹ پیسوں کے عوض تقسیم کئے گئے۔ مسلم لیگ ن کے صدر شہباز شریف نے ہنگامہ آرائی کی تحقیات کے لیے کمیٹی تشکیل دی تھی لیکن تحقیقاتی کمیٹی کوئی فعال کردار ادا نہ کر سکی جس پر مفتاح اسماعیل نے ناراضگی کا اظہار کرتے ہوئے پارٹی عہدہ چھوڑ دیا۔
