مظفرگڑھ،ن لیگی امیدوارنے خواتین کو ووٹ دینا حرام قراردیدیا
مظفر گڑھ ( 92 نیوز ) مظفر گڑھ میں انتخابی ضابطہ اخلاق کی خلاف ورزی کھلم کھلا جاری ہے ۔
مسلم لیگ ن کے سابق صوبائی وزیر مذہبی امور نے خاتون کو ووٹ دنا حرام قرار دے دیا ۔
ہارون سلطان بخاری این اے 184 سے مسلم لیگ ن کے ٹکٹ پر الیکشن لڑ ررہے ہیں جب کہ ان کی بھابھی زہرہ باسط بخاری پی ٹی آئی کے ٹکٹ پر ان کے مقابل ہیں ۔
ہارون سلطان بخاری نے کہا کہ وہ دین کے مطابق چلیں گے اور واضح کہا کہ عورت کو ووٹ دینا حرام ہے ۔ واضح رہے کہ ہارون سلطان بخاری کو حلقے میں سخت مقابلے کا سامنا ہے ۔
ہارون سلطان بخاری ن لیگ کے ٹکٹ پر مظفر گڑھ سے این اے ایک سو چوراسی سے اُمیدوار ہیں ، تاہم سوال یہ ہے کہ کیا اس طرح کی بوکھلاہٹ کا مظاہرہ کر کے وہ کامیابی حاصل کر سکیں گے؟۔