مصطفیٰ کمال کی حیدرآباد آمد پر متحدہ کا بھی ریلیاں نکالنے کا اعلان
حیدرآباد (92نیوز) حیدرآباد میں پاک سر زمین پارٹی کا دفتر کھل گیا۔ مصطفیٰ کمال کل حیدرآباد پہنچیں گے جبکہ ایم کیو ایم نے بھی ریلیاں نکالنے کا اعلان کر دیا ہے۔ تفصیلات کے مطابق مصطفیٰ کمال نے اپنی پارٹی کے نام کا اعلان کر دیا ہے جبکہ حیدر آباد میں مصطفیٰ کمال کی پارٹی کا رابطہ آفس لطیف آباد نمبر چھ کے بنگلہ نمبر دو سو پینتالیس میں قائم کیا گیا ہے۔
مصطفیٰ کمال انیس قائم خانی کے ہمراہ کل حیدرآباد پہنچیں گے جبکہ ایم کیو ایم نے بھی ریلیاں نکالنے کا اعلان کر دیا ہے۔ صورتحال کی نزاکت کو دیکھتے ہوئے انتظامیہ نے پاک سر زمین پارٹی کے دفتر کی سکیورٹی میں اضافہ کر دیا ہے۔
