مصر کی مسلح افواج کے کمانڈر ان چیف جنرل محمد احمد ذکی کا جوائنٹ اسٹاف ہیڈکوارٹرز کا دورہ
راولپنڈی (92 نیوز) راولپنڈی میں مصر کی مسلح افواج کے کمانڈر ان چیف جنرل محمد احمد ذکی نے جوائنٹ اسٹاف ہیڈکوارٹرز کا دورہ کیا۔
آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ندیم رضا سے جنرل محمد احمد کی ملاقات ہوئی۔ ملاقات میں سکیورٹی، انسداد دہشتگردی امور میں باہمی تعاون پر تبادلہ خیال کیا گیا۔
آئی ایس پی آر کے مطابق جنرل محمد احمد نے پاکستانی مسلح افواج کی پیشہ ورانہ مہارتوں کو سراہا۔ جنرل محمد کو جوائنٹ سٹاف ہیڈکوارٹرز آمد پر تینوں مسلح افواج کے چاق و چوبند دستے نے سلامی بھی پیش کی۔