مشن ویمن ٹی 20 ورلڈکپ ، 125 رنز ہدف کے تعاقب میں پاکستانی ویمن ٹیم کی بیٹنگ جاری

 کینبرا (92 نیوز) مشن ویمن ٹی 20 ورلڈکپ میں ویسٹ انڈیز کا 125 رنز ہدف کے تعاقب میں پاکستانی ویمن ٹیم کی بیٹنگ جاری ہے۔ قومی باؤلرز نے اچھی کارکردگی دکھائی اور ویسٹ انڈیز کو 124 رنز تک محدود کر دیا۔ پاکستان کی ڈیانا بیگ، ایمن انور اور ندا ڈار نے دو ، دو وکٹیں حاصل کیں۔ پاکستان ویمن کرکٹ ٹیم میگا ایونٹ میں آج ویسٹ انڈیز کیخلاف اپنا پہلا میچ کھیل رہی ہے۔ قومی ویمن ٹیم سیمی فائنل تک رسائی کے لیے پر عزم ہے۔ ویمن ٹیم کی اسپنر انعم امین کا کہنا تھا میری کوشش ہو گی کہ میں اچھی پرفارمنس دکھا کر ٹیم کو سیمی فائنل تک پہنچاؤں۔