مشرف کی سزا اور لاش گھسیٹ کر ڈی چوک لانے کے فیصلے کیخلاف درخواست دائر
اسلام آباد ( 92 نیوز) سپریم کورٹ میں سابق صدر و جنرل (ر) پرویز مشرف کی سزا اور لاش گھسیٹ کر ڈی چوک لانے کے فیصلے کیخلاف درخواست دائر کر دی گئی ۔
سپریم کورٹ میں درخواست سماجی کارکن اقبال کاظمی نے دائر کی، درخواست میں کہا گیا ہے کہ خصوصی عدالت کے دائرہ اختیار کا آئین و قانون کے تحت جائزہ لیا جائے، خصوصی عدالت کے پاس آرٹیکل 6 کیخلاف کارروائی کا اختیار نہیں،انسانی لاش کو چوراہے پر گھسیٹنا میت کی توہین ہے۔
درخواست گزار نے موقف اپنایا کہ فیصلے سے عدلیہ کا وقار مجروح ہوا ، اداروں میں ٹکراؤ کا تاثر پھیل رہا ہے، عوام عدم تحفظ کا شکار ہیں۔
درخواست میں وفاق ،وزارت قانون اور وزارت داخلہ کو فریق بنایا گیا ہے۔