مسلم لیگ نون کا پنجاب اسمبلی میں قائمہ کمیٹیوں سے استعفے دینے کا فیصلہ

 لاہور (92 نیوز) مسلم لیگ ن نے پنجاب اسمبلی کی قائمہ کمیٹیوں سے استعفے دینے کا فیصلہ کر لیا ہے۔ سرد موسم میں سیاسی حِدت نکتہ عروج پر پہنچنے لگی۔ مسلم لیگ ن نے پنجاب اسمبلی میں قائمہ کمیٹیوں سے استعفے دینے کا فیصلہ کر لیا ہے۔ ذرائع کے مطابق ن لیگ کل صبح 10 بجے قائمہ کمیٹیوں سےاستعفے اسپیکر پنجاب اسمبلی کے چیمبر میں جمع کروائے گی۔ قائمہ کمیٹیوں کے سو ممبرز میں سے ستانوے کے استعفے مسلم لیگ ن کے پاس پہنچ چکے ہیں۔ تین ارکان کے استعفے بھی جلد ن لیگ کے پاس پہنچ جائیں گے۔ مسلم لیگ ن حمزہ شہباز کو پبلک اکاؤنٹس کمیٹی کا چیئرمین نہ بنانے، خواجہ سعد رفیق اور دیگر رہنماؤں کے پروڈکشن آرڈر جاری نہ کرنے پر احتجاج کر رہی ہے۔