مسلم لیگ ن کا برطانیہ میں اہم مشاورتی اجلاس ، پارلیمانی امورپر گفتگو

لندن ( 92 نیوز) شہباز شریف کی زیر صدارت مسلم لیگ ن کا اہم مشاورتی اجلاس  لندن میں ہوا ، اجلاس میں سردار ایازصادق ، رانا تنویر ،اسحاق ڈار ،خواجہ آصف ، احسن اقبال ، امیر مقام ،پرویز رشید اور مریم اورنگزیب سمیت  ن لیگ کے سینئر رہنماؤں نے شرکت کی ۔ اجلاس کے بعد میڈیا سے گفتگو کرتے ہوئے خواجہ آصف کا کہنا تھاکہ  اجلاس میں ملک میں پارلیمانی امور کے حوالے سے شہباز شریف سے رہنمائی لی ہے ، مرکزی ایشو چیف الیکشن کمشنر کا تقرر ہے ۔ خواجہ آصف نے کہا کہ نئے الیکشن کے لئے پہلا مرحلہ ان ہاؤس تبدیلی ہے ، آرمی چیف کی مدت ملازمت میں توسیع پر تبصرہ کرنے سے انکار کر دیا۔