Thursday, March 28, 2024

مسئلہ کشمیر پر ثالثی کی امریکی صدر کی پیشکش کا خیر مقدم کرتے ہیں ،فردوس عاشق اعوان

مسئلہ کشمیر پر ثالثی کی امریکی صدر کی پیشکش کا خیر مقدم کرتے ہیں ،فردوس عاشق اعوان
July 23, 2019
اسلام آباد ( 92 نیوز) وزیر اعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے امریکہ کے صدر ڈونلڈ ٹرمپ کی جانب سے مسئلہ کشمیر میں ثالثی کی پیشکش کا خیر مقدم کرتے ہوئے کہا کہ  وزیر اعظم پاکستان نے باوقار انداز میں عالمی سطح پر پاکستان کی نمائندگی  کی ۔ سماجی رابطے کی ویب سائٹ ٹویٹر پر اپنے ٹویٹ پیغام میں  ڈاکٹر فردوس عاشق اعوان کا کہنا تھا کہ وزیر اعظم پاکستان کی امریکی صدر سے کامیاب ملاقات پاکستان کی کامیابی ہے ،باوقار انداز میں  عالمی سطح پر  پاکستان کی نمائندگی کرنے پر قوم کو اپنے وزیراعظم پر ناز ہے ۔ ان کا مزید کہنا تھا کہ امریکا کے صدر نے افغان امن عمل بارے وزیر اعظم پاکستان کے موقف کی تائید کی ، انہیں مقبول رہنما قرار دیا ۔ وزیراعظم  عمران خان پر دنیا کے بڑھتے ہوئے اعتماد کا اظہار  ان کی قائدانہ صلاحیتوں کا اعتراف ہے ۔