مریم نواز کی پاسپورٹ واپسی کی درخواست پر نیب نے جواب جمع کرادیا
لاہور ( 92 نیوز) مریم نواز کی پاسپورٹ واپسی کی درخواست پر نیب نے جواب جمع کرا دیا ، مریم کی درخواست پر مزید سماعت 26 دسمبر کو ہو گی ۔
مریم نواز کی پاسپورٹ واپس لینے کی درخواست پر لاہور ہائیکورٹ میں سماعت جسٹس علی باقر نجفی کی سربراہی میں دو رکنی بینچ نے کیس کی سماعت کی ، مریم نواز کی درخواست پر نیب نے جواب جمع کرا دیا ۔
عدالت نے نیب کونوٹس جاری کرتے ہوئے جواب طلب کیاتھا ، عدالت نے قراردیا کہ مریم نواز کا ای سی ایل سے نام نکلوانے کا کیس چھبیس دسمبر کے لیے فکس ہے ۔
عدالت نے ریمارکس دیے کہ پاسپورٹ واپس لینے کی مریم نواز کی درخواست بھی چھبیس دسمبر کو سنیں گے ، مریم نواز نے اپنی درخواست میں مؤقف اختیارکیاتھا کہ والد کی طبیعت سخت خراب ہے ، والد کی دیکھ بھال کے لیے بیرون ملک جانے کی اجازت دی جائے ۔
درخواست میں استدعاکی گئی کہ عدالت پاسپورٹ واپس کرنے اور نام ای سی ایل سےنکالنےکا حکم دے۔لاہور ہائیکورٹ میں مریم نوازکی درخواست پرمزید سماعت چھبیس دسمبر کو ہوگی۔