مریم نواز کی نیب آفس پیشی پر ہنگامہ آرائی ، نیب نے پیشی منسوخ کر دی
لاہور ( 92 نیوز) نیب لاہور کی طلبی پر مریم نواز نیب آفس پہنچیں مگر کارکنوں کی جانب سے پتھراؤ اور پولیس کی جانب سے شیلنگ کی گئی ، جس کے بعد نیب نے پیشی منسوخ کر دی گئی ۔
کشیدہ صورتحال کے باعث نیب نے مریم نواز کی پیشی منسوخ کر دی جس کے بعد مریم نواز نیب آفس سے واپس روانہ ہو گئیں ۔
اس سے قبل مریم نواز نیب لاہور آفس میں پیشی کیلئے کارکنوں کے ہمراہ جاتی امرا سے روانہ ہوئیں ۔ ملتان، راولپنڈی، فیصل آباد، پاکپتن اور دیگر علاقوں سے قافلے جاتی امراء پہنچے۔ ٹھوکرنیاز بیگ سے ملتان روڈ کو دونوں اطراف سے بند کیا گیا تھا۔