مریدکے ، دیرینہ رنجش پر فائرنگ سے باپ اور دوبیٹوں سمیت 5افراد ہلاک
مریدکے ( 92 نیوز ) مریدکے میں دو گروپوں میں تلخ کلامی کے بعد فائرنگ کا تبادلہ ہوا ، علاقہ گولیوں کی تڑتڑاہٹ سے گونجتا رہا ، لوگ مرتے رہے مگر پنجاب پولیس کہیں دکھائی نہ دی، معمولی تنازع پانچ افراد کی جانیں لے گیا ۔
مریدکے کی آبادی حدو کی تار بازار میں دو گروپوں کے درمیان پہلے معمولی تلخ کلامی ہوئی جو دیکھتے ہی دیکھتے شدید فائرنگ میں تبدیل ہو گئی ۔
فائرنگ کے نتیجے میں ذیشان شاہ ،عامر شاہ اس کا بیٹا عرفان شاہ اور ان کے دو ساتھی ہلاک ہو گئے ۔
دوسری طرف ایس ایچ او مرید نے 5 افراد کی ہلاکت کی تصدیق کرتے ہوئے واقعے کو پرانی دشمنی کا نتیجہ قرار دیا ۔
آئی جی پنجاب کیپٹن (ر) عارف نواز خان نے مریدکے میں فائرنگ کے نتیجے میں 5 افرادکے جاں بحق ہونے کے واقعہ کا نوٹس لیے ہوئے ڈی پی او شیخوپورہ سے واقعہ کی رپورٹ طلب کر لی ہے۔