مرید عباس قتل کیس کی سماعت جیل میں کرنیکا نوٹیفکیشن جاری
کراچی ( 92 نیوز) کراچی میں اینکر مرید عباس قتل کیس میں اہم پیش رفت ہوئی ہے ، محکمہ داخلہ سندھ نے اینکر مرید عباس سمیت 2 افراد کے قتل کیس کی سماعت جیل میں کرنے کا نوٹیفکیشن جاری کردیا ۔
مرید عباس قتل کیس کی سماعت جیل میں کرنے کا نوٹیفکیشن ایڈیشنل ڈسٹرکٹ اینڈ سیشن جج کی عدالت میں پیش کردیا گیا ، محکمہ داخلہ کے مطابق مرید عباس قتل انتہائی ہائی پروفائل کیس ہے ، ملزمان عاطف زمان اور عادل زمان کی سٹی کورٹ پیشی کے وقت ناخوشگوار واقعہ رونما ہوسکتا ہے ۔
آج سماعت کے دوران ایڈیشنل ڈسٹرکٹ اینڈ سیشن جج ساؤتھ نے کہا کہ جیل میں کیس کس جج کی عدالت میں چلایا جائے گا، اس بارے میں وضاحت نہیں کی گئی ، جس کیلئے ایڈیشنل ڈسٹرکٹ اینڈ سیشن جج نے ڈسٹرکٹ اینڈ سیشن جج کو خط لکھ دیا ۔