مذہبی جماعت کے احتجاج کے بعد ملک بھر میں راستے بتدریج کھلنے لگے
لاہور (92 نیوز) مذہبی جماعت کے احتجاج کے بعد ملک بھر میں راستے بتدریج کھلنے لگے۔ لاہور میں سی سی پی او کی قیادت میں فیروز پور روڈ پر آپریشن کیا گیا۔
اس دوران مظاہرین نے پولیس پر پتھراؤ کیا۔ شنگھائی پل پر پولیس اور رینجرز تعینات ہے۔ کراچی میں بیشتر راستے کھل گئے۔ راولپنڈی اور اسلام آباد میں پولیس اور رینجرز کی بھاری نفری تعینات ہے۔
ادھر سندھ حکومت نے دو سو سے زائد مذہبی رہنماؤں اور کارکنوں کو تیس دن کیلئے نظر بند کرنے کا فیصلہ کر لیا۔