محکمہ موسمیات کی کراچی میں شام کے اوقات میں بوندا باندی کی پیش گوئی
کراچی (92 نیوز) گرمی کے ستائے کراچی کے باسیوں کیلئے خوشخبری آ گئی۔ محکمہ موسمیات نے شام کے اوقات میں بوندا باندی کی پیش گوئی کر دی۔
محکمہ موسمیات کا کہنا ہے کہ آئندہ چوبیس گھنٹوں کے دوران مطلع جزوی طور پر ابر آلود رہنے کا امکان ہے۔ شام کے اوقات میں ہلکی بوندہ باندی ہو سکتی ہے۔
کم سے کم درجہ حرارت 29 اعشاریہ 5 ڈگری سینٹی گریڈ ریکارڈ کیا گیا جبکہ
زیادہ سے زیادہ درجہ حرارت 36 ڈگری سینٹی گریڈ رہنے کا امکان ہے۔ ہوا میں نمی کا تناسب 55 فیصد ہے۔ شہری کہتے ہیں بارش ہو جائے تو بہت اچھا ہے۔
محکمہ موسمیات کا کہنا ہے شہر میں آئندہ تین روز تک تیز ہوائیں چلیں گی جس سے گرمی کی شدت میں کمی آئے گی۔