محکمہ تعلیم نے یکم جون سے 14اگست تک گرمیوں کی چھٹیوں کا اعلان کر دیا

لاہور (92نیوز) محکمہ تعلیم نے یکم جون سے چودہ اگست تک موسم گرما کی تعطیلات کا اعلان کر دیا ہے۔ آل پاکستان پرائیویٹ سکولز مینجمنٹ ایسوسی ایشن نے سکول یکم جون سے بند کرنے کی مخالفت کر دی ہے۔ آل پاکستان پرائیویٹ سکولز مینجمنٹ ایسوسی ایشن کے صدر ادیب جاودانی نے کہا ہے کہ فرسٹ ٹرم کے امتحان چل رہے ہیں جس کی وجہ سے چھٹیاں چودہ جون سے کرینگے۔ انہوں نے مزید کہا کہ محکمہ تعلیم صرف باتیں کرتا ہے، اگر ہماری بات نہ مانی گئی تو احتجاج کرینگے۔ ای ڈی او ایجوکیشن پرویز اختر نے کہا ہے کہ جو سکول یکم جون سے بند نہیں ہو گا، اس کیخلاف سخت کارروائی ہو گی۔