محمد عامر نے کیریئر بیسٹ پرفارمس سے ناقدین کے منہ بند کر دیے

برسٹل ( 92 نیوز) تجربے اور کلاس کا کوئی متبادل نہیں  ، محمد عامر نے کیریئر بیسٹ پرفارمس سے ناقدین کے منہ بند کر دیے ۔ آسٹریلیا کیخلاف میچ تو قومی ٹیم ہار گئی مگر اس میچ میں فاسٹ باؤلر محمد عامر کی پرفارمنس شائقین کو مدتوں یاد رہے گی ۔ محمد عامر نے دس اوورز میں 30 رنز  دیکر پانچ کھلاڑی آؤٹ کیے ،انکے اسپیل میں دو میڈن اوورز بھی شامل تھے ۔ عامر کا نشانہ بننے والوں میں ایرون فنچ،مارش،عثمان خواجہ ،کیری اورمچل اسٹارک شامل  ہیں ۔ محمد عامرنے اس میچ میں کیرئیر بیسٹ باؤلنگ کی ، وہ ورلڈ کپ2019 میں ابھی تک سب سے زیادہ دس  وکٹیں لینے والے باؤلر بن گئے ۔ سوشل میڈیا پر ہزاروں شائقین محمد عامرکو زبردست انداز میں خراج تحسین پیش کررہے ہیں، صارفین کاکہنا تھا کہ عامر نے اپنی سلیکشن کو اپنی پرفارمنس سے درست ثابت کیا۔