مانچسٹر میں بم دھماکہ کرنیوالے ملزم کا بھائی برطانیہ کے حوالے

لیبیا(92 نیوز)لیبیا نے مانچسٹر میں بم دھماکا کرنے والے کے بھائی کو برطانیہ کے حوالے کر دیا۔ غیر ملکی میڈیا کے مطابق مانچسٹرایریناخودکش حملے کےمبینہ ملزم ہاشم عبیدی کوبرطانیہ کےحوالے کردیاگیا۔ مانچسٹر پولیس چیف کا کہنا ہے کہ ہاشم عبیدی کو پولیس کے پہرےمیں لیبیا سے برطانیہ منتقل کیاگیا۔ مانچسٹر پولیس چیف نے مزید کہا کہ ملزم کوجلد ہی عدالت میں پیش کیاجائےگا۔  22مئی 2017کو مانچسٹر ایریناخودکش حملے میں 22افرادہلاک اور55سےزائد زخمی ہوئےتھے۔