لیور پول اور بارسلونا نے اپنے اپنے میچز جیت لئے
لندن ( 92 نیوز)پریمئیر لیگ اور بارسلونا میں زبردست مقابلے جاری ہیں ، پریمئیر لیگ میں لیور پول نے نیوکاسل کو ایک کے مقابلے میں تین گول سے شکست دی، فاتح ٹیم کی جانب سے سادیو مانے نے دو گول اسکور کیے، لالیگا میں بارسلونانے ویلنشیاکو دو کے مقابلے میں پانچ گول سے شکست دی۔
پریمئیر لیگ اور لالیگا میں ایکشن سے بھر پور مقابلے جاری ہیں ۔ لیور پول کی کامیابیوں کا سلسلہ جاری ہے ، لیور پول نے نیو کاسل کو ایک کے مقابلے میں تین گول سے شکست دی۔
جیٹرو ولیمز میچ میں آغاز میں گیند کو جال میں پھینک کر نیوکاسل کو برتری دلا دی،28ویں منٹ میں لیور پول نے کم بیک کیا اور سادیو مانے نے گول داغ کر میچ برابر کر دیا، 40ویں منٹ میں سادیو مانے نے ایک بار پھر گیند کو جال کی راہ دکھائی اور ٹیم کی برتری دگنی کر دی۔