لٹل ماسٹر کے نام سے شہرت حاصل کرنیوالے حنیف محمد کی آج چوتھی برسی
لاہور ( 92 نیوز) لٹل ماسٹر کے نام سے شہرت حاصل کرنے والے حنیف محمد کی آج چوتھی برسی منائی جارہی ہے، حنیف محمد نے 1958 میں ویسٹ انڈیز کیخلاف 337رنز کی یاد گار اننگز کھیلی، 970 منٹ تک کریز میں رہنے کا عالمی ریکارڈ آج بھی حنیف محمد کے پاس موجود ہے۔
دنیائے کرکٹ میں لٹل ماسٹر کے نام سے شہرت پانے والے پاکستانی لیجنڈری بلے باز اور سابق ٹیسٹ کپتان حنیف محمد کو مداحوں سے بچھڑے چار برس ہو گئے ہیں۔
1952ء میں بھارت کے خلاف پہلا ٹیسٹ کھیلنے والے اور متعدد ریکارڈز کے حامل حنیف محمد نے 55 ٹیسٹ میچز میں 3915 رنز اسکور کیے،جن میں 12 سنچریاں اور 15 نصف سنچریاں شامل ہیں۔
1958ء میں ویسٹ انڈیز کے خلاف کنگسٹن ٹیسٹ میں 337 رنز کی ریکارڈساز اننگ کھیلی،اس دوران وہ 970 منٹ تک کریز پر کھڑے رہے جو آج بھی ٹیسٹ کی طویل ترین اننگز کا عالمی ریکارڈ ہے ۔
حنیف محمد طویل علالت کے بعد 11 اگست 2016ء کو کراچی میں انتقال کر گئے تھے۔