لندن میں پاکستانی ہائی کمیشن کے باہر پرویز مشرف کے حامیوں کا مظاہرہ
لندن (92 نیوز) لندن میں پاکستانی ہائی کمیشن کے باہر پرویز مشرف کے حامیوں نے مظاہرہ کیا۔ آل پاکستان مسلم لیگ کے کارکنوں نے پرویز مشرف کے حق میں نعرے بازی کی۔
برطانوی دارالحکومت لندن میں قائم پاکستانی ہائی کمیشن کے باہر آل پاکستان مسلم لیگ کے کارکنوں نے مظاہرہ کیا جس میں سکھ رہنما بھی شریک ہوئے۔
شرکا نے سابق صدر کیخلاف فیصلے کو متعصبانہ قرار دیا۔ انہوں نے کہا کہ چالیس سال تک ملک کی خدمات کرنے والے کو غدار کہنا انتہائی غلط ہے۔
کارکنوں نے مطالبہ کیا کہ پرویز مشرف کو سزا موت دئیے جانے کا فیصلہ جلد از جلد واپس لیا جائے ۔
