جسٹس اعجاز الاحسن کے گھر پر فائرنگ کے واقعے کی تحقیقات کیلئے جے آئی ٹی تشکیل
لاہور ( 92 نیوز )جسٹس اعجاز الاحسن کے گھر پر فائرنگ کا مقدمہ لاہور کے تھانہ ماڈل ٹاؤن میں درج کر لیا گیا ۔
مقدمے میں اقدام قتل اور دہشت گردی کی دفعات شامل کی گئی ہیں ، مقدمہ پولیس کانسٹیبل آصف کی مدعیت میں درج کیا گیا۔مقدمہ میں دہشت گردی، اقدام قتل اور املاک کو نقصان کی دفعات شامل کی گئی ہیں ۔
واقعے کی تحقیقات کیلئے جوائنٹ انوسٹی گیشن ٹیم بھی تشکیل دے دی گئی ، ایڈیشنل آئی جی رائے طاہر جے آئی ٹی کے سربراہ ہوں گے ۔
حساس اداروں کے 3 ارکان اور پنجاب فرانزک لیب کا نمائندہ بھی ٹیم کا حصہ ہیں ۔