لاہور ہائیکورٹ ،پرائیویٹ میڈیکل کالجز کو ایم بی بی ایس میں داخلے کی اجازت

لاہور ( 92 نیوز ) لاہورہائی کورٹ نے پرائیویٹ میڈیکل کالجز کو ایم بی بی ایس میں داخلے کی اجازت دیدی ۔ میڈیکل کلاسز میں داخلے سے متعلق تفصیلی فیصلہ جاری کر دیاگیا ۔
جسٹس عائشہ اے ملک اور جسٹس جواد حسن پر مشتمل دو رکنی بینچ نے تفصیلی فیصلہ سنایا ۔
عدالت نے پی ایم  ڈی سی ترمیمی آرڈیننس کالعدم قرار دے دیا ۔ سنٹرل ایڈمیشن پالیسی،پی ایم ڈی سی کی تشکیل بھی غیر قانونی قرار دیدی گئی ۔
عدالت نے 2017 میں اے لیول،  او لیول پاس کرنے والے طلبہ کو داخلہ دینے کاحکم بھی دے دیا ۔ پرائیویٹ میڈیکل کالجز کے وکیل احسن مسعود نے کہا نجی کالجز میرٹ پرداخلے کرتے ہیں ۔
پی ایم ڈی سی کے وکیل نوشاب اے خان نے کہا عدالت نے پی ایم ڈی سی کی تشکیل خلاف قانون قراردی ہے ۔
میڈیکل کالجز میں داخلوں کے حوالے سے 15 مختلف درخواستوں پر کیس لاہورہائیکوٹ میں زیرسماعت تھا۔