لاہور کے شیخ زید اسپتال میں دیڑھ ارب کی بے ضابطگیاں سامنے آ گئیں
لاہور (92 نیوز) لاہور کے شیخ زید اسپتال میں ایک ارب 45 کروڑ روپے سے زائد مالی بے ضابطگیاں سامنے آ گئیں۔
آڈیٹر جنرل کی رپورٹ کے مطابق اسپتال انتظامیہ نے رولز کی خلاف ورزی کرتے ہوئے ایک ارب 40 کروڑ سے زائد رقم ایک ہی بینک میں جمع کرادی، اسی طرح اسپتال کے لئے 4 کروڑ 77 لاکھ روپے سے مشینری کے پرزے خریدنے میں بھی بے ضابطگی پائی گئی، جبکہ من پسند افراد کی تعیناتیاں بھی کی گئی ہیں۔
آڈیٹر جنرل آف پاکستان نے 4 کروڑ 77 لاکھ 20 ہزار روپے کے غیر قانونی کنٹریکٹ کرنے والے ذمہ داران کا تعین کرنے کی سفارش کردی۔