لاہور کی عدالت نے حکومت پنجاب کو رائیونڈ زمین کے انتقال کی منسوخی سے متعلق کارروائی سے روک دیا
لاہور (92 نیوز) لاہور کی عدالت نے حکومت پنجاب کو رائیونڈ زمین کے انتقال کی منسوخی سے متعلق کارروائی سے روک دیا۔
نوازشریف اور شہباز شریف کے خاندان نے صوبائی حکومت کی کارروائی پر لاہور کی سول عدالت سے رجوع کیا تھا۔ سول عدالت نے درخواست سماعت کے لیے منظور کرکے 27 اپریل کو تمام فریقین کو متعلقہ ریکارڈ سمیت طلب کر لیا۔
درخواست گزار کا کہنا ہے پنجاب حکومت نے شریف خاندان کی رائیونڈ رہائش گاہ کی 127 کنال اراضی کا انتقال منسوخ کر دیا تھا۔ حکومت پنجاب غیرقانونی طور پر جاتی امرا کی 1500 سے زائد کنال زمین کی ملکیت تبدیل کر رہی ہے۔ پنجاب ریونیو ڈپارٹمنٹ نے اس زمین کا انتقال واپس حکومت پنجاب کے نام کر دیا تھا۔