لاہور کا درجہ حرارت کم سے کم 5،زیادہ سے زیادہ 18 ڈگری سینٹی گریڈ تک جانیکا امکان

لاہور ( 92 نیوز) لاہور شہر میں کم سے کم درجہ حرارت 5 ڈگری سینٹی گریڈ جب کہ زیادہ سے زیادہ  درجہ حرارت 18 ڈگری سینٹی گریڈ تک جانے کا امکان ہے ۔ پورے شہر میں سورج پوری طرح روشن  ہے ، سردی کے ستائے شہری چمکیلی دھوپ میں  آ بیٹھے  ۔ محکمہ موسمیات کے مطابق    ہوا میں نمی کا تناسب 57 فیصد رہے گا۔ محکمہ موسمیات کے مطابق شہر میں ہوا 16 کلو میٹر فی گھنٹہ کی رفتار سے چلیں گی ، صوبہ پنجاب کے بیشتر اضلاع میں موسم سرد اور خشک رہے گا ،تاہم مری میں ہلکی بارش اور ہلکی برفباری کی توقع ہے۔