لاہور میں نویں محرم کا مرکزی جلوس منزل کی جانب رواں دواں

لاہور ( 92 نیوز) لاہور میں نویں محرم کا  جلوس برآمد ہونے کے بعد اپنے روایتی راستوں پر گامزن ہے ، پولیس کی جانب سے شبہیہ ذوالجناح کے جلوس کی سکیورٹی کے سخت انتظامات بھی کیے گئے ہیں ، خواتین عزاداروں کے لیے خواتین پولیس اہلکار بھی تعینات ہیں۔ نویں   محرم الحرام پورے مذہبی جوش و جذنے اور عقیدت سے منائی جارہی ہے  ،ا سی مناسبت سے ملک بھر کی طرح صوبائی دارالحکومت لاہورمیں جلوس نکالے جارہے ہیں ۔ لاہورمیں نویں محرم الحرام کا مرکزی جلوس پانڈو سٹریٹ اسلام پورہ سے صبح دس بجے برآمدہوا جومقررہ راستوں سے ہوتا ہوا سراج بلڈنگ پہنچا جہاں نماز ظہرین ادا کی گئی ۔ جلوس کے راستوں پر آنیوالی تمام گلیوں کو خاردار تاروں اور بیریئیرلگا کر سیل کیا گیا ہےجبکہ جلوس سے ملحقہ بلند عمارتوں پر سنائپرز کو تعینات کیا گیاہے  ،  اس کے علاوہ مرکزی عزاداری جلوسوں کی سیف سٹی کے کیمروں اور دیگر سی سی ٹی وی کیمروں کے ذریعے مانیٹرنگ بھی کی جارہی ہے ۔