لاہور میں شبیہ ذوالجناح کا مرکزی جلوس روایتی راستوں پر رواں دواں
لاہور (92 نیوز) صوبائی دارالحکومت لاہور میں شبیہ ذوالجناح کا مرکزی جلوس روایتی راستوں پر رواں دواں ہے ، جلوس کے شرکا ءنے سنہری مسجد کے باہر نماز ظہرین ادا کی۔
عزدار شہدائے کربلا کو خراج عقیدت پیش کرنے کے ساتھ ساتھ گریہ زاری اورماتم کررہے ہیں ، جلوس کے روٹ پر پولیس کے سخت سکیورٹی انتظامات کیے گئے ہیں ، مرکزی جلوس کی سکیورٹی پر14 ایس پیز،24 ڈی ایس پیز، 87 انسپکٹرز تعینات ہیں۔
ڈی آئی جی آپریشنز اشفاق خان کے مطابق 5 ہزار سے زائد جوان بھی ڈیوٹی سرانجام دے رہے ہیں ، جلوس کے روٹ میں آنے والی تمام گلیوں کو خاردار تار اور بیریئرز لگا کر مکمل طور پر سیل کیا گیا ہے ، عزاداروں کو فوری طبی امداد دینے کے لیے موبائل پوسٹیں قائم کی گئی ہیں۔