لاہور میں داتا دربار کے قریب عمارت گر گئی
لاہور (92 نیوز) لاہور میں داتا دربار کے قریب عمارت گر گئی۔ ملبے تلے دب کر زخمی ہونے والی بچی جاں بحق ہو گئی۔
تفصیلات کے مطابق داتا دربار کے قریب کچے مکان کی عمارت گری جس میں 3 افراد زخمی ہوئے۔ زخمی ہونے والوں میں ماں اس کی دو کم سن بیٹیاں شامل ہیں۔ زخمیوں کو اسپتال منتقل کیا گیا جہاں ایک بچی زخموں کی تاب نہ لاتے ہوئے جاں بحق ہو گئی ۔ امدادی ٹیموں نے ریسکیو آپریشن مکمل کر لیا۔
