لاہور فیشن شو : ماڈلز کی لہنگے پہن کر جدید اور روایتی جیولری کے ڈیزائنوں کی نمائش

لاہور (92نیوز) لاہور میں ہونےوالے فیشن شو میں ماڈلز نے دلہنوں کاروپ دھار کر جیولری کے نئے ڈیزائن متعارف کرائے۔ گرمیوں کے کرتوں کی نمائش بھی فیشن شوکاحصہ تھی جسے حاضرین نے خوب سراہا۔ تفصیلات کے مطابق نجی ہوٹل میں ہونے والے فیشن شو کے پہلے مرحلے میں ماڈلز نے جدید اور روائتی انداز کے زیورات پہن کر ریمپ پر جلوے بکھیرے۔ شومیں ماڈلز عروسی ملبوسات پہن کرجب ریمپ پر آئیں تو حاضرین داد دیے بغیر نہ رہ سکے۔ ان ملبوسات میں لہنگے اور لانگ ڈریسز پیش کیے گئے۔ فیشن آئیکون ڈولی بھی ٹرینڈی ملبوسات کے ساتھ شو کی زینت بنی رہی۔ گرمیوں کی مناسبت سے ہلکی کڑھائی اور رنگوں کے مردانہ کرتے بھی شوکے اختتام پر پیش کیے گئے جنہیں سب نے بہت سراہا۔