لاہور: صومالیہ سے بیجنگ جانیوالی پرواز میں مسافر لڑپڑے ، پائلٹ کی ہنگامی لینڈنگ
لاہور(92نیوز)صومالیہ سے چائنا جانے والے طیارے میں مسافر لڑ پڑے جس پر طیارے کو پائلٹ نے لاہور ایئر پورٹ پر ہنگامی طورپر اتار لیا ۔
تفصیلات کےمطابق صومالیہ سے بیجنگ جانیوالی پرواز میں دو مسافروں نے ہنگامہ کھڑا کر دیا جس کے بعد لاتیں اور گھونسے چل گئے ۔ مسافروں کی اس لڑائی میں دونوں زخمی ہوگئے جبکہ پائلٹ نے علامہ اقبال انٹرنیشنل ایئرپورٹ پر ہنگامی لینڈنگ کرا دی ۔ سول ایوی ایشن کے میڈیکل عملے نے زخمی ہونے والے دونوں مسافروں کو طبی امداد فراہم کی ۔ لڑائی کرنے والے مسافر دیان جی کو حراست میں لے کر چائنیز سفارتخانے کے حوالے کر دیا گیا ۔ ایتھوپیئن ایئر کی پرواز پانچ گھنٹے تاخیر کے بعد لاہور سے چائنا کے لئے روانہ ہو گئی۔
