لاہور شاہ عالم مارکیٹ میں شارٹ سرکٹ سے آگ لگ گئی، گودام میں پڑا لاکھوں روپے کا سامان جل کر راکھ

لاہور (92نیوز) لاہور کی شاہ عالم مارکیٹ کے گودام میں آگ لگنے سے لاکھوں روپے کا سامان جل کر راکھ ہو گیا۔ پولیس کے مطابق افضال سنٹر میں تاجر عبدالوحید کے گودام میں شارٹ سرکٹ کے باعث اچانک آگ بھڑک اٹھی جس نے دیکھتے ہی دیکھتے پورے گودام کو اپنی لپیٹ میں لے لیا۔ اطلاع ملنے پر پولیس اور امدادی ٹیمیں موقع پر پہنچ گئیں جنہوں نے ایک گھنٹے کی جدوجہد کے بعد آگ پر قابو پا لیا۔ آتشزدگی کے اس واقعہ میں لاکھوں روپے مالیت کا سامان جل کر راکھ ہو گیا تاہم کوئی جانی نقصان نہیں ہوا۔