لاہور ، شادی کی تقریب میں سرعام ہوائی فائرنگ نے قانون کی دھجیاں اڑا دیں
لاہور ( 92 نیوز) لاہور میں لاقانونیت کا راج برقرار ہے ، شادی کی تقریب میں کھلے عام ہوائی فائرنگ نے قانون کی دھجیاں اڑا دیں ۔
لاہور میں لال پل تھانہ ہربنس پورہ کے علاقے میں شادی کی تقریب میں ہوائی فائرنگ کا سلسلہ جاری رہا ،جس کی وجہ سے علاقےمیں خوف و ہراس پھیل گیا۔
ہوائی فائرنگ کی فوٹیج بھی منظر عام پر آگئی ،جس میں نوجوان کو سرعام ہوائی فائرنگ کرتے دیکھا جا سکتا ہے ۔
فوٹیج منظر عام پر آنے کے باوجود لاہور پولیس قانون کی دھجیاں اڑانے والے کو نہ پکڑ سکی ۔
چند روز قبل بھی مغل پورہ میں شادی کی تقریب میں فائرنگ سےچھ افراد زخمی ہوگئےتھے جن میں سے ایک نوجوان بعد میں دم توڑ گیا تھا۔
