لاہور سمیت پنجاب کے مختلف علاقوں میں دھند، موٹر وے بند

لاہور (92 نیوز) لاہور سمیت پنجاب کے مختلف علاقوں میں دھند نے پھر ہر شے دھندلا دی۔ کئی علاقوں میں حد نگاہ انتہائی کم ہوگئی، موٹر وے کئی مقامات پر بند ہے۔

دھند کے باعث موٹر وے ایم ون پشاور سے صوابی، ایم ٹو لاہور سے اسلام آباد تک ٹریفک کیلئے بند ہے۔ ایم تھری لاہور سے عبدالحکیم، ایم فور پنڈی بھٹیاں سے شام کوٹ، ایم فائیو ملتان سے رحیم یار خان تک بھی بند ہے۔

لاہور سیالکوٹ موٹروے پر بھی گاڑیوں کا داخلہ روک دیا گیا، اوکاڑہ، فیصل آباد، سرگودھا، حافظ آباد اور دیگر علاقے بھی دھند سے متاثر ہیں۔