لاہور ،رائیونڈ روڈ پر یونیورسٹی آف فیصل آباد کے سب کیمپس کا افتتاح کر دیا گیا

لاہور  ( 92 نیوز ) اہلیان لاہور کیلئے  تعلیم کے میدان میں ایک اور خوشگوار اضافہ ہو گیا ۔ رائیونڈ روڈ پر یونیورسٹی آف فیصل آباد کے سب کیمپس کا افتتاح  کر دیا گیا ۔ گورنر پنجاب چودھری سرور نے اعلیٰ تعلیم کے فروغ کیلئے یونیورسٹی کیمپس کے قیام کو خوش آئند قرار دے دیا  ، اسٹیٹ آف دی آرٹ سہولیات دینے پر انتظامیہ کو خراج تحسین بھی پیش کیا ۔ لاہور میں بھی یونیورسٹی آف فیصل آباد کے  سب کیمپس کا افتتاح ہو گیا ، افتتاح گورنر پنجاب چودھری سرور نے کیا ۔ افتتاح کے موقع پر 92 نیوز سے خصوصی گفتگو میں چودھری سرور کا کہنا تھا کہ معیار تعلیم کو بہتر کرنا ہے  ، تعلیم کے میدان میں بہت سے چیلنجز درپیش ہیں جن پر ہم وقت کے ساتھ قابو پا لیں گے  ۔ گورنر پنجاب چودھری سرور نے یونیورسٹی آف فیصل آباد سب کیمپس کے کلاس رومز ، آئی ٹی لیب ، لائبریری اور آڈیٹوریم  کا بھی دورہ کیا اور طالبات سے ملاقات کی ، انہوں نے یونیورسٹی میں  دی گئی سہولیات کو سراہا  ۔ یونیورسٹی میں آئے پروفیسرز کا کہنا تھا کہ یورنیورسٹی آف فیصل آباد تمام یونیورسٹیز سے بہتر ہے جس میں تمام سہولیات موجود ہیں ۔ افتتاحی تقریب  میں  ایچ ای سی پنجاب کے ہیڈ ڈاکٹر نظام الدین ،لاہور یونیورسٹی کے چیئرمین  چودھری رؤف سمیت بڑی تعداد میں نامور شخصیات نے شرکت کی ۔