لاس اینجلس میں پائلٹ کا دوران پرواز تیل کا ہنگامی اخراج 

لاس اینجلس( 92 نیوز) امریکی ریاست لاس اینجلس  کی فضا میں نجی ایئر لائن کے طیارے کو پرواز میں دشواری کا سامنا کرنا پڑا جس پر پائلٹ نے تیل کا ہنگامی اخراج کر دیا، جو نیچے موجود پرائمری اسکولوں پر آگرا، بچوں سمیت 60 افراد متاثر ہوئے ۔ نجی ایئر لائن کا بوئنگ 777 طیارہ لاس اینجلس سے شنگھائی جا رہا تھا جب یہ صورتحال پیش آئی، طیارے سے تیل کا ہنگامی اخراج کیا گیا جونیچے موجود 5 پرائمری اسکولوں پر آ گرا۔ تیل گرنے سے کم از کم 24 بچوں سمیت 60 افراد کی حالت غیر ہو گئی،جنہیں طبی امداد کیلئے اسپتال منتقل کر دیا گیا ہے، واقعے کے بعد متاثرہ عمارتوں کو خالی کرا لیا گیا جبکہ خوش قسمتی سے طیارہ بحفاظت اپنی منزل شنگھائی پہنچ چکا ہے۔