قومی ہاکی ٹیم نے ورلڈ کپ 2018 کیلئے کوالیفائی کر لیا

لاہور (92 نیوز) قومی ہاکی ٹیم نے ورلڈ کپ 2018 کیلئے کوالیفائی کر لیا۔ قومی کرکٹرز نے ہاکی کھلاڑیوں کو مبارکباد دی اور نیک تمناؤں کا اظہار کیا۔

قومی ہاکی ٹیم کو ورلڈ کپ میں شرکت کا پروانہ مل گیا، قومی کرکٹرز نے ہاکی کھلاڑیوں کو مبارکباد اور نیک تمناؤں کا اظہار کیا۔

ورلڈ ہاکی لیگ میں بدترین کھیل پیش کرنے کے باجود قومی ہاکی ٹیم نے ورلڈ کپ 2018 کے لیئے کوالیفائی کر لیا۔

ہالینڈ میں ہونے والے یورو ہاکی چیمپئن شپ کے سیمی فائنل میں کوالیفائی کرنے والی ٹیمیں پہلے ہی ورلڈ کپ تک بھی رسائی حاصل کر چکی ہیں جس پر ورلڈ ہاکی لیگ میں ساتویں نمبر پر رہنے والی گرین شرٹس کو بھی ورلڈ کپ کا ٹکٹ مل گیا۔

قومی ٹیم کی رینکنگ 14 ویں ہے اور قومی کرکٹرز شعیب ملک، کامران اکمل اور محمد حفیظ نے اپنے ہم وطن ہاکی کھلاڑیوں کو اس پر مبارکباد پیش کی۔  

.ورلڈ کپ آئندہ سال 28 نومبر سے بھارت میں شیڈول ہے