قومی کرکٹر عابد علی سچن ٹنڈولکر کے پرستار نکلے
لاہور (92 نیوز) قومی کرکٹر عابد علی سچن ٹنڈولکر کے پرستار نکلے، کہا میرا قد سابق انڈین کرکٹر سچن ٹنڈولکر جتنا، شاید اسی وجہ سے میں انہیں فالو کرتا ہوں۔
قذافی اسٹیڈیم لاہور میں ممکنہ قومی ٹیسٹ پلیئرز کے درمیان تین روزہ پریکٹس میچ کا آغاز ہوگیا، ممکنہ ٹیسٹ پلیئرز کی اظہر الیون اور حارث سہیل الیون دو ٹیمیں تشکیل دی گئیں۔
اظہر الیون کے اوپنر بلے باز عابد علی نے میڈیا سے گفتگو میں صحافی کے سوال پر لیجنڈ بھارتی بلے باز سچن ٹنڈولکر کواپنا آئیڈیل قراردے دیا۔
قومی کرکٹر عابد علی کا کہنا تھا بنگلہ دیش کے خلاف کوشش ہوگی کہ پہلے سے بھی بہتر پرفارم کرسکوں۔
