قومی اور نجی ایئرلائنز کی درجن سے زائد پروازیں منسوخ

اسلام آباد(92نیوز)پی آئی اے اور نجی ایئر لائنز کی اندرون و بیرون ملک جانے والی ایک درجن سے زائد پروازیں نامعلوم وجوہات کی بنا پر  منسوخ ہوگئی ہیں ۔ قومی ایئرلائن کی کراچی سے سکھر،کوئٹہ اورملتان جانے والی تین پروازیں منسوخ  کردی گئی ہیں جبکہ اسلام آبادسے دبئی،کراچی اورکوئٹہ جانے والی پروازیں بھی منسوخ ہوگئی ہیں ۔ پروازوں کی اچانک منسوخی سے مسافروں کو شدید پریشانی کا سامنا کرنا پڑا جبکہ بعض ایئرپورٹس پر تو ایئرلائنز کی انتظامیہ اور مسافروں کے درمیان  تلخ کلامی بھی ہوئی ہے۔