قومی ادارہ صحت کی پاکستان میں اومی کرون وائرس کی تصدیق
اسلام آباد (92 نیوز) قومی ادارہ صحت نے پاکستان میں اومی کرون وائرس کی تصدیق کردی۔
این آئی ایچ کے مطابق کراچی کے شہری میں اومی کرون کا ویرینٹ ہے، مشتبہ نمونوں کی تشخیص کیلئے مسلسل نگرانی جاری ہے۔ کورونا وائرس کے سنگین اثرات سے بچاو کیلئے ویکسی نیشن لازمی ہے۔
The National Institute of Health, Islamabad has been able to confirm that a recently suspected sample from Karachi is indeed the ‘Omicron variant’ of SARS-CoV2. This is the first confirmed case but continued surveillance of identified samples is in place to identify trends.
— NCOC (@OfficialNcoc) December 13, 2021
ادھر دوسری جانب نیشنل کمانڈ اینڈ کنٹرول سینٹر (این سی او سی) کے مطابق نیشنل انسٹی ٹیوٹ آف ہیلتھ اسلام آباد نے اس بات کی تصدیق کی ہے کہ پاکستان میں ایک مشتبہ نمونہ اومی کرون ویرینٹ کا ہے۔ یہ پہلا تصدیق شدہ کیس ہے لیکن رجحانات کی شناخت کے لیے شناخت شدہ نمونوں کی مسلسل نگرانی جاری ہے۔
In wake of recent confirmation of Omicron in Pakistan, the importance of getting vaccinated to protect from serious effects of existing and new variants is further highlighted. Please get yourself completely vaccinated.
— NCOC (@OfficialNcoc) December 13, 2021
این سی او سی کے مطابق پاکستان میں اومی کرون ویرینٹ کی حالیہ تصدیق کے بعد، موجودہ اور نئی اقسام کے سنگین اثرات سے بچانے کے لیے عوام ویکسین کے عمل کو مکمل کروائے۔
وبائی امراض کے ماہر ڈاکٹر رانا جواد نے کہا ہے کہ دنیا کے سات سے زائد ممالک میں اومی کرون کے کیسز کی تصدیق ہو چکی ہے۔ " اومی کرون جیسے وائرس کو روکا نہیں جا سکتا۔ یہ دیگر اقسام کے مقابلے زیادہ تیزی سے پھیلتا ہے۔
انہوں نے کہا کہ اومی کرون ان لوگوں پر بھی حملہ کرتا ہے جو پہلے ہی متاثر ہو چکے ہیں۔ اومی کرون کی علامات پہلی قسم کی طرح ہیں۔ سردیوں کے موسم میں یہ وائرس تیزی سے پھیلتا ہے۔ رش والی جگہوں پر جانے سے گریز کریں اور فیس ماسک کا استعمال کریں۔"
