قوم کی فکر کرنی ہے تو انکی صحت کا خیال کریں ، یاسمین راشد
ایوان وزیراعلی میں میڈیا سے گفتگو میں یاسمین راشد نے اپوزیشن سے جلسے نہ کرنے کی اپیل کرتے ہوئے کہا لاہور، ملتان، پنڈی، فیصل آباد اور گوجرانوالہ میں کورونا کا پھیلاؤ سب سے زیادہ ہے۔ پنجاب میں زیادہ ترکورونا کے سیریس کیس آ رہے ہیں۔ ملتان میں 41 مریض وینٹی لیٹر پر ہیں۔ ایس اوپیز پر عمل نہ کرنے سے کورونا کی دوسری لہر آئی۔ بلاول بھٹو کو بھی کورونا ہو گیا۔ اگر ایس او پیز پر عملدرآمد نہ ہوا تو مکمل لاک ڈاؤن کر سکتے ہیں۔ اپوزیشن مہربانی کرے جلسے نہ کرے۔
ڈاکٹر یاسمین راشد نے اپیل کی کہ کورونا ایس او پیز پر عملدرآمد کیا جائے۔ جب تک ویکسین نہیں آتی صرف ماسک پہننے اور مناسب فاصلہ رکھنے سے ستر فیصد اس وبا سے بچا جاسکتا ہے۔ انہوں نے کہا کہ اس وقت سرکاری اسپتالوں میں کرونا سے نمٹنے کیلئے آلات اور ادویات وافر مقدار میں موجود ہیں۔ لاہور میں میو سمیت مختلف اسپتالوں میں کورونا کیلئے الگ سے وارڈز مختص کر دیئے گئے ہیں۔