قطر میں مقیم افغان طالبان کا وفد مذاکرات کیلئے پاکستان پہنچ گیا
کراچی(92نیوز)قطر میں مقیم افغان طالبان کا ایک وفد افغان حکومت سے براہ راست بات چیت کیلئے کراچی پہنچ گیا۔
برطانوی خبر رساں ادارے کے مطابق قطر سے آنے والے افغان طالبان کے وفد میں ملا شہاب الدین دلاور اور ملا جان محمد شامل ہیں جبکہ کچھ طالبان رہنما پاکستان سے وفد میں شامل ہوں گے۔افغان طالبان کے ذرائع نے بھی اس وفد کے آنے کی تصدیق کی ہے تاہم باضابطہ طورپران کا کوئی بیان سامنے نہیں آیا ہے جبکہ پاکستانی دفترخارجہ کی جانب سے بھی اس سلسلے میں کوئی تصدیق نہیں کی گئی۔
اسلام آباد میں چار ملکی مذاکرات اسی ہفتے ایک بار پھر شروع ہوں گے، لیکن باضابطہ طور پر اس اجلاس کا اعلان تاحال نہیں ہوا۔