قصور میں آئے روز معصوم بچیوں کا قتل، پولیس ملزم پکڑنے میں مسلسل ناکام
قصور ( 92 نیوز ) قصور میں کھلتے پھولوں کی زندگیاں داؤ پر لگ گئیں ۔ سفاک درندے نے ننھی زینب کو ذیادتی کے بعد قتل کر کے جرم کےثبوت مٹانے کی کوشش کی مگر سی سی ٹی وی میں سب سامنے آگیا ۔
ملزم بچی کو ساتھ لے جاتے ہوئے واضح دیکھا جا سکتا ہے مگر اس کے باوجود پولیس ملزمان کو گرفتار کرنے میں ناکام ہو گئی ہے ۔ ملزم کون ہے ؟ ۔ کہاں ہے ،کسی کو کچھ معلوم نہ ہوسکا ۔
اہل علاقہ بچی سے ذیادتی اور قتل پر ہی نہیں پولیس کی سست رفتار تفتیش اور ملزم کو پکڑنے میں ناکامی پر برہم ہیں ۔ ملزم کا تاحال پکڑا نہ جانا پولیس کی کارکردگی اور صوبائی حکومت کی گورننس پر سوالیہ نشان ہے۔