قذافی اسٹیڈیم میں آج لاہور قلندرز اور پشاور زلمی کا ٹاکر ہو گا

لاہور ( 92 نیوز) پاکستان سپر لیگ فائیو  میں ایک دن کے وقفے کے بعد آج پھر سے ایکشن سے بھرپور مقابلے شروع ہوں گے ، قذافی اسٹیڈیم لاہور میں  لاہور قلندرز اور پشاور زلمی کی ٹیمیں بھرپور تیاری کے ساتھ میدان میں اتریں گی ، دونوں ٹیموں نے بڑے میچ کیلئے پریکٹس سیشن میں حصہ لیا۔ قذافی اسٹیڈیم میں لاہور قلندرز اور پشاور زلمی  آج شام سات بجے  میدان میں اتریں گی ، ایونٹ  میں اس سے قبل پشاور زلمی اور لاہور قلندرز  ایک بار مقابل آچکی ہیں جہاں  پشاور زلمی نے لاہور قلندرز کو 16 رنز سے شکست دی تھی ۔ پشاور زلمی نے اب تک 8 میچ میں سے چار میں فتح حاصل کی جب کہ تین بار ناکامی کا منہ دیکھا ، پشاور زلمی پوائنٹس ٹیبل پر  نو پوائنٹس کے ساتھ دوسرے نمبر پر  اور فتح کیساتھ ہی پلے آف مرحلے میں  پہنچ جائے گی ۔ لاہور قلندرز کو اب تک کھیلے گئے میچز میں سے تین میں فتح اور چار میں شکست ہوئی ،یہ چھ پوائنٹس کیساتھ پانچویں پوزیشن  پر ہے ۔