قائدایوان شہزاد وسیم کا اپوزیشن سے آزاد کشمیر میں اپنے لیڈروں کی نامناسب تقریر پر معافی مانگنے کا مطالبہ
اسلام آباد (92 نیوز) سینیٹ میں قائدایوان شہزاد وسیم نے اپوزیشن سے آزاد کشمیر میں اپنے لیڈروں کی نامناسب تقریر پر معافی مانگنے کا مطالبہ کر دیا۔
شہزاد وسیم نے کہا اپوزیشن کے دباؤ میں آئیں گے نہ انکی غلط بات سنیں گے۔ پاکستان کو برباد کرنے والے کہتے ہیں ہمارے سروں پر تاج پہناؤ۔ آپ جعلسازی کرکے ملک میں نہیں رہ سکتے۔ انہوں نے کہا بلاول بھٹو زرداری سی وی لے کر امریکا گئے ہیں۔ جو دوائی لینے گئے تھے وہ آج تک واپس نہیں آئے۔
شہزاد وسیم کی تقریر پر اپوزیشن شورشرابہ کرتی رہی۔