فیصل آباد ، ٹیکسٹائل مل میں کرنٹ لگنے سے 3 مزدور جاں بحق

 فیصل آباد (92 نیوز) فیصل آباد کے نواحی علاقے کھرڑیانوالہ میں ٹیکسٹائل مل میں مشین میں کرنٹ آنے سے 3 مزدور جاں بحق ہو گئے۔ حادثے میں دو مزدور جھلس گئے جنہیں اسپتال منتقل کر دیا گیا ہے۔ حادثہ کے وقت پانچوں مزدور ایک مشین پر کام کر رہے تھے کہ انہیں کرنٹ کا زوردار جھٹکا لگا جس سے تین مزدور یاسر علی، محمد امجد اور محمد لطیف موقع پر دم توڑ گئے جبکہ دو مزدور زاہد اقبال اور محمد یوسف جھلس کر بے ہوش ہو گئے جنہیں ریسکیو نے طبی امداد دیکر اسپتال منتقل کر دیا گیا۔ پولیس نے موقع پر پہنچ کر کارروائی کا آغاز کر دیا ہے۔