فیصل آباد ٹونی گینگ کی ایک اور ویڈیو منظر عام پر آگئی

فیصل آباد ( 92 نیوز) فیصل آباد  کے علاقے ٹھیکری والاکے ٹونی گینگ کے تشدد کی ایک اور ویڈیو منظرعام پر آگئی۔ ویڈیو میں دیکھا جا سکتا ہے کہ ٹونی گینگ ملزمان نے نوجوان کو اغوا کیا اور کھیتوں میں لے جا کر تشدد کا نشانہ بنا ڈالا۔ فوٹیج میں ملزمان شہری کو ہنٹر اور جوتوں سے مارتے نظر آرہے ہیں دوسری جانب ملزمان کے خوف سے اہل علاقہ بیان بھی نہیں دے رہے۔ تشدد کی پہلی ویڈیو منظر عام پر آنے کے بعد پولیس نے ٹونی گینگ کے دو ملزمان کو گرفتار بھی کررکھا ہے۔